Liäbi Eltere und Fuschtballfründe

Zerscht emol wet ich im Name vo de ganze Manschaft am Sascha Kägi danke,
dass er sini Freizit gopferet het zum
med üs a die Schwizermeischterschaft z gah. Er hed üs ufgmunteret und
motiviert.
Dank ihm simer immer schön gschmeidig blibe. Ohni ihn wer das ganze
wahrschindli nöd möglich gsi.
Es grosses Dankeschön natürli au a alli Eltere wo für üs go mitfiebere cho
sind und üs understützt hend.
Mir hoffed natürli das er das witerhin mache werded.
Au bedanke wett ich mich bi minere tolle Manschaft. Mer hend so viel tolli
Moment erlebt i dere Ziit.
Mer hend zeme kämpft und ich glaube mer hend üses Ziel erreicht. Ihr sind
eifach di beschtä!
En hammer Moment isch s Final gege Rüti, in Diepoldzau gsi.
Mir hend kämpft und kämpft. Am Jindra sini Topmotivierende Rüäf hend natürli
au nöd derfe fähle.
Dä ersti Satz hemer souveren gwune. Aber isch scho nöd ganz so eifach gsi.
Dä zweiti Satz isch mega spannend gsi.
Mrr hend um jede Punkt müsse kämpfä. Aber mer hend de zweiti Satz leider
verlore.
Nacher hemer halt na müsse en Entscheidigssatz spile. Mir selber isches geg
de Schluss vom dritte Satz nüme gad so wohl gsi :).
Aber defür isch den d Erlösig den endlich cho. MIR SIND SCHWIZERMEISCHTER!!
Zersch hemers fasch nöd chöne glaube. D freud isch riisegros gsi.
Für mich isch klar, mir sind es Dream Team gsi. Mir hend üs super verstande
und hend viel Spass mitenand gha.
Und ich finde au das mers verdient hend. Mir hend üs
guet druf vorbereited und hend trainiert und trainiert. Als belohnig heds
den für alli  Pizza geh im Barone, Aadorf geh.
Bete han ich den leider nöd chöne mitgah aber sie hend mir den es Foti
gschikt :).
Und so sind den alli z’fride gsi.